पोलीस हवालदार सतीश अरुण जाधव (वय 42, तळेगाव दाभाडे ता. मावळ जि.पुणे) लाच प्रकरणी अटक केलेल्या आरोपीचे नाव आहे.

लाचलुचपत प्रतिबंधक विभाग पुणे पोलीस निरीक्षक प्रेम वाघमोरे यांनी दिलेल्या माहितीनुसार तक्रारदार यांच्या दोन बिअर शॉपी आहेत. आरोपी पोलीस हवालदार सतीश जाधव यांनी तक्रारदार यांचेकडे सदर बिअर शॉपी व्यवस्थित चालु ठेवण्यासाठी, कोणताही त्रास न होण्यासाठी व खोटे गुन्हे दाखल न करण्यासाठी प्रत्येक बिअर शॉपी चे 6,000 प्रमाणे दोन बिअर शॉपीचे एकुण 12,000 रुपयांच्या लाचेची मागणी स्वतःसाठी व पोलीस निरीक्षक यांचेसाठी केल्याची तक्रार तक्रारदार यांनी लाचलुचपत प्रतिबंधक विभाग पुणे दिली होती.

सदर तक्रारदार यांच्या तक्रारीची पडताळणी पंचासमक्ष केली असता, आरोपी सतीश जाधव यांनी तक्रारदार यांचेकडे वरील कामासाठी तडजोडीअंती 5,000 रुपयांच्या लाचेची मागणी करुन 5,000 रुपयांची लाच स्विकारल्याने आरोपी सतीश जाधव याना ताब्यात घेऊन अटक करण्यात आले असून, त्यांचेविरुद्ध तळेगाव दाभाडे पोलीस स्टेशनमध्ये भ्रष्टाचार प्रतिबंध अधिनियम, सन १९८८ चे कलम ७, ७ अ प्रमाणे गुन्हा दाखल करण्यात आला.

सदरची कारवाई पोलीस अधीक्षक शिरीष सरदेशपांडे, अपर पोलीस अधीक्षक डॉ. शीतल जानवे यांच्या मार्गदर्शनाखाली या गुन्ह्याचा तपास पोलीस निरीक्षक प्रेम वाघमोरे करत आहेत.

लोकसेवक शासकीय अधिकारी कर्मचारी किंवा त्यांच्यावतीने खाजगी इसम (एजंट) हे कोणतेही शासकीय काम करून देण्यासाठी कायदेशीर फी व्यतिरिक्त अन्य लाचेची मागणी करीत असल्यास त्याबाबत तात्काळ लाचलुचपत प्रतिबंधक विभाग पुणे कार्यालयास खालील नमूद क्रमांकवर सपंर्क साधण्याचे आवाहन पोलीस अधीक्षक शिरीष सरदेशपांडे यांनी केले आहे.

१) अॅन्टी करप्शन ब्यूरो, पुणे दुरुध्वनी क्रमांक ०२० २६१२२१३४, २६१३२८०२, २६०५०४२३

२) व्हॉट्स अॅप क्रमांका मुंबई ९९३०९९७७००

३) ई मेलआयडी पुणे dyspacbpune@mahapolice.gov.in वेबसाईट www.acbmaharashtra.gov.in

४) ५) ऑनलाईन अॅप तक्रार www.acbmaharashtra.net.in