गणेश दत्तात्रय चोपडे व अर्चना गणेश चोपडे रा.नायगाव ता.मावळ जि.पुणे अपघातात मृत्यू झालेल्या पती व पत्नीचे नाव आहे.

कामशेत पोलिसांनी दिलेल्या माहितीनुसार गणेश चोपडे व अर्चना चोपडे हे पती पत्नी भजन करून एम एच 14 GB 7074 या दुचाकीवरून घरी जात असताना काळ्या रंगाचा अज्ञात थार कारने दुचाकीला पाठीमागून जोरात धडक दिली. या अपघातात गणेश चोपडे व अर्चना चोपडे गंभीर जखमी झाल्याने त्यांचा मृत्यू झाला. यांच्या मागे दोन मुलं आहेत. राष्ट्रवादी विद्यार्थी तालुका अध्यक्ष नवनाथ चोपडे यांचा चुलत भाऊ व भावजयी होत. या घटनेने परिसरात हळहळ व्यक्त होत आहे.

मृतदेहाचे शवविच्छेदन तळेगाव दाभाडे प्राथमिक आरोग्य केंद्रात करून मृतदेह नातेवाईकांच्या ताब्यात देण्यात येत आहेत.

या अपघाताचा तपास पोलीस उप निरीक्षक अब्दुल शेख करत आहेत.

" महामार्गाच्या लगत सेवा रस्ता नसल्याने दिवसेंदिवस

 गावातील नागरिकांचे अपघातात बळी जात आहेत. अनेक ठिकाणी उड्डाणपूल करण्याची गरज असल्याची मागणी नागरिक करत आहेत.