लाच घेतल्या प्रकरणी वडगाव मावळ पोलीस स्टेशनच्या एएसआय व पोली

लाच घेतल्या प्रकरणी वडगाव मावळ पोलीस स्टेशनच्या एएसआय व पोलीस शिपायाला अटक

4193 views

वडगाव मावळ दि.4 (प्रतिनिधी) मारामारीच्या दाखल गुन्ह्याच्या तपासात मदत करण्यासाठी 50,000 रुपयांच्या लाचेची मागणी करणाऱ्या पोलीस अधिकारी व पोलीस शिपायाला लाचलुचपत प्रतिबंधक विभाग पुणे 35,000 रुपयांची लाच स्वीकारताना रंगेहात अटक केली. ही कारवाई बुधवारी (दि.4) सायंकाळी 7 वा. वडगाव मावळ पोलीस स्टेशनच्या नवीन इमारतीत ता. मावळ येथे केली.

Author : Admin

Publisher : admin

Update : 1 year ago

Date : Wed Sep 04 2024

लाच

सहाय्यक पोलीस उप निरीक्षक सुनील तुळशीदास मगर (वय 51) व पोलीस शिपाई सागर कैलास गाडेकर (वय 34) लाच घेतल्या प्रकरणी गुन्हा दाखल करण्यात आला आहे.

लाचलुचपत प्रतिबंधक विभाग पोलीस निरीक्षक श्रीराम शिंदे यांनी दिलेल्या माहितीनुसार तक्रारदार यांच्या मारामारीच्या गुन्ह्याचा तपास सहाय्यक पोलीस उप निरीक्षक सुनील मगर व पोलीस शिपाई सागर गाडेकर यांच्याकडे असल्याने तपासात मदत करण्यासाठी तक्रारदार यांच्याकडे 50,000 रुपयांच्या लाचेची मागणी केली तडजोड करून 35,000 रुपये लाचेची रक्कम ठरली, याबाबत लाचलुचपत प्रतिबंधक विभाग पुणे कार्यालयात दि.29/8/24 रोजी तक्रार दिली.

त्यानुसार बुधवारी (दि.4) सायंकाळी 7 वा.

लाचलुचपत प्रतिबंधक विभाग पुणे पोलीस अधीक्षक शिरीष सरदेशपांडे, अप्पर पोलीस अधीक्षक शीतल जानवे, पोलीस उप अधीक्षक दयानंद गावडे, यांच्या मार्गदर्शनाखाली पोलीस निरीक्षक श्रीराम शिंदे किरण शेलार, कैलास महामुनकर, पूनम पवार , पांडुरंग माळी आदींच्या पथकाने ही कारवाई केली.

आरोपींना पैसे घेताना रंगेहात अटक केली. त्यांच्यावर वडगाव मावळ पोलीस स्टेशनमध्ये गुन्हा दाखल करण्यात आला.

पुणे-मुंबई महानगराच्या मध्यवर्ती असलेल्या मावळ तालुक्यात पोलीस, महसूल विभागातील अधिकारी व कर्मचारी बदली करून घेतात. मावळ तालुक्यात वारंवार लाचलुचपत प्रतिबंधक विभागाची कारवाई होत असताना, अधिकारी व कर्मचारी बोध केव्हा घेणार ?

लेटेस्ट अपडेट्स

329 views

उर्से बालिका अत्याचार खुनातील आरोपीला दहा दिवसाची कोठडी.

तळेगाव दाभाडे दि.15 उर्से हद्दीत शनिवारी (दि.13) 5 वर्षांच्या बालिकेला खाऊचे आमिष दाखवून अत्याचार करून खून केलेल्या आरोपीला सोमवारी दि.15 दुपारी 12 वा. वडगाव मावळ न्यायालयाने दि.24 डिसेंबर पर्यंत पोलिस कोठडी दिली.

945 views

मावळच्या 4 तहसीलदारांसह 10 अधिकाऱ्यांचे निलंबन ; महसूल मंत्री चंद्रशेखर बावनकुळे यांची विधानसभेत घोषणा: मंगरूळ येथे 90 हजार ब्रास जास्त उत्खनन

नागपूर दि.13 (प्रतिनिधी) पुणे जिल्ह्यातील मावळ तालुक्यात वनीकरणासाठी राखीव असलेल्या क्षेत्रात तब्बल 90 हजार ब्रास अनधिकृत गौण खनिज उत्खनन झाल्याचे निष्पन्न झाल्याने महसूलमंत्री चंद्रशेखर बावनकुळे यांनी शुक्रवारी (दि.12) या घोटाळ्यात दोषी आढळलेले चार तहसीलदार, चार मंडळ अधिकारी आणि दोन तलाठी अशा दहा जणांना निलंबित करण्याचे निर्देश दिले. परवानगीपेक्षा जास्त उत्खनन केल्याने दोषीवर फौजदारी व महसुली अधिनियमानुसार दंडात्मक कारवाई करण्यात येणार आहे.

217 views

मावळात मल्टिनॅशनल कंपन्यांची कोट्यवधींची फसवणूक; दलालांची होणार चौकशी

नागपूर दि.9 (प्रतिनिधी) मावळ तालुक्यात गुंतवणुकीसाठी येणाऱ्या मल्टिनॅशनल कंपन्यांची काही दलालांकडून कोट्यवधी रुपयांची फसवणूक करण्यात आल्याचे धक्कादायक प्रकरण उघडकीस आले असून, याबाबत गंभीर आरोप आमदार सुनील शेळके यांनी नागपूर हिवाळी अधिवेशनात केले आहेत. हुंदाईसारखी कोरियन कंपनी महाराष्ट्रात आणणाऱ्या महायुती सरकारचा उद्देश रोजगारनिर्मिती असताना, काही दलालांनी कंपनीच्या व्हेंडरना बेकायदेशीर व फसवे दस्तऐवज दाखवून मिळकतीची विक्री करून आंतरराष्ट्रीय कंपनीलाच आर्थिक गंडा घातला, असे त्यांनी स्पष्ट केले.

742 views

तळेगाव दाभाडे नगरपरिषदेच्या नूतन वास्तूचे लोकार्पण उपमुख्यमंत्री अजित पवार यांच्या हस्ते; 761 कोटी 17 लाखांच्या विकासकामांचा शुभारंभ!

तळेगाव दाभाडे दि.19 (प्रतिनिधी) मावळ तालुक्याच्या विकासाचा नवा अध्याय सोमवार, दि. 20 ऑक्टोबर 2025 रोजी सायंकाळी 5 वाजता लिहिला जाणार आहे. तळेगाव दाभाडे नगरपरिषदेच्या नूतन प्रशासकीय इमारतीचे लोकार्पण राज्याचे उपमुख्यमंत्री तथा पुणे जिल्ह्याचे पालकमंत्री अजित पवार यांच्या शुभहस्ते शिवशंभू तीर्थ मैदान, तळेगाव येथे संपन्न होणार आहे. या ऐतिहासिक सोहळ्यानिमित्त एकूण 761 कोटी 17 लाख रुपयांच्या लोकार्पण व भूमिपूजनाच्या कामांचा शुभारंभ होणार असल्याची माहिती आमदार सुनील शेळके यांनी दिली.