कारच्या धडकेत दुचाकीवरील एकाचा मृत्यू तर एकजण गंभीर जखमी

1361 views

वडगाव मावळ दि.20 (प्रतिनिधी) दुचाकीला भरधाव कार ने जोरात धडक देऊन अपघात केला यात कार अनेकदा पलटी झाली. दुचाकीवरील एकाचा मृत्यू तर गंभीर जखमी झाला. हा अपघात रविवारी (दि.20) सायंकाळी 4 वा. फळणे फाटा टाकवे बुद्रुक ता.मावळ हद्दीत झाला. हा अपघात खूपच भीषण होता. कार चालक फरार झाला आहे.

Author : Admin

Publisher : admin

Update : 4 months ago

Date : Sun Apr 20 2025

रोहिदास शंकर करवंदे (वय 40 रा. सावळा ता.मावळ ) अपघातात मृत्यू झालेल्या दुचाकीवरील व्यक्तीचे नाव आहे.

गणेश लक्षण आढारी (वय 36 रा. सावळा ता.मावळ ) गंभीर जखमी झालेल्या दुचाकीस्वाराचे नाव आहे.

पोलीस निरीक्षक कुमार कदम यांनी दिलेल्या माहितीनुसार गणेश आढारी व रोहिदास करवंदे हे MH 14 L Q 0253 दुचाकीवरून वडगाव ते सावळा निघाले असता, M H 14 K F 6701 क्रमांकाच्या भरधाव कारने दुचाकी जोरात धडक देऊन अपघात केला. यात दुचाकीवरील रोहिदास करवंदे यांचा उपचारापूर्वी मृत्यू झाला तर गणेश आढारी गंभीर जखमी झाले.

गंभीर जखमी गणेश आढारी यांच्यावर कामशेत येथील महावीर हॉस्पीटल मध्ये उपचार सुरू आहेत.

दुचाकी व कार चे मोठ्याप्रमाणात नुकसान झाले आहे. घटनास्थळी पोलीस हवालदार सचिन कदम, पोलीस अमलदार चेतन दळवी यांनी धाव घेऊन अपघात स्थळाचा पंचनामा केला. मृतदेह शवविच्छेदन करण्यासाठी रवाना केला.

पुढील पोलीस हवालदार सचिन कदम करत आहेत.

लेटेस्ट अपडेट्स

817 views

हरवलेल्या तरुणीचा मृतदेह तळ्यात तरंगताना सापडला

तळेगाव दाभाडे दि.25 (प्रतिनिधी) हरवल्याची तक्रार देण्यासाठी गेलेल्या तरुणीचा मृतदेह तळ्यात तरंगताना आढळून आला. तळेगाव दाभाडे पोलीस स्टेशनच्या हद्दीत रविवारी (दि.24) रात्री 11:00 वा. तळेगाव दाभाडे स्टेशन येथील तळ्यात ता.मावळ जि. पुणे येथे घडली.

60 views

वाहतूक कोंडी टाळण्यासाठी अतिक्रमणे काढल्यानंतर त्या भागात तातडीने रस्ते करा उपमुख्यमंत्री अजित पवार यांचे आढावा बैठकीत संबधीत यंत्रणांना निर्देश

चाकण दि.8 प्रतिनिधी वाहतूक व्यवस्था सुरळीत करण्यासाठी हिंजवडीसह चाकण परिसरात काढण्यात येणाऱ्या अतिक्रमणानंतर त्या भागात तातडीने रस्ते विकसित करणे गरजेचे आहे. त्या दृष्टीने संबंधित यंत्रणांनी समन्वयातून वाहतूक कोंडी टाळण्यासाठी अपेक्षित प्रमाणात रस्त्यांचे रुंदीकरण करून रस्ते विकसित करण्याच्या दृष्टीने तातडीने पावले उचलण्याचे निर्देश उपमुख्यमंत्री तथा पालकमंत्री अजित पवार यांनी दिले. पुणे महानगर प्रदेश विकास प्राधिकरणाच्या आकुर्डी येथील मुख्यालयात त्यांनी चाकण भागातील वाहतूक कोंडी दूर करण्याच्या अनुषंगााने पाहणी केल्यानंतर आढावा बैठक घेतली, यावेळी ते बोलत होते.

77 views

लोणावळा नगरपरिषदेच्या गलथान कारभारावर आमदार सुनील शेळके यांचा थेट हल्लाबोल!

लोणावळा दि.5 (प्रतिनिधी) गेल्या कित्येक महिन्यांपासून लोणावळा शहरातील मूलभूत प्रश्न प्रलंबित असून नागरिक त्रस्त आहेत. मात्र तरीही नगरपरिषद प्रशासनाचे काम संथ, निष्क्रिय व निष्काळजीपणाचे असल्याची तीव्र शब्दात खरमरीत टीका आमदार सुनील शेळके यांनी आज येथे केली. आमदार शेळके यांच्या उपस्थितीत आज लोणावळा नगरपरिषदेच्या दालनात घेण्यात आलेल्या आढावा बैठकीत विविध विषयांवर खोलवर चर्चा झाली आणि प्रशासनाच्या झोपेचे ढोल वाजवले.

356 views

तळेगाव–चाकण–शिक्रापूर महामार्गाच्या विकासासाठी ऐतिहासिक निर्णय! औद्योगिक आणि नागरी विकासाला नवा आयाम मिळण्याची शक्यता

मुंबई दि.31 (प्रतिनिधी) तळेगाव–चाकण–शिक्रापूर (NH-548D) या औद्योगिकदृष्ट्या अत्यंत महत्त्वाच्या मार्गाच्या दुरवस्थेवर आता ठोस पावले उचलली जात असून, वाहतूक कोंडीमुक्त, सुरक्षित आणि वेगवान करण्यासाठी शासनाने ऐतिहासिक निर्णय घेतला आहे. उद्योगधंदे, वाहतूक व्यवस्था आणि नागरिकांच्या दृष्टीने हा निर्णय अत्यंत दिलासादायक ठरणार आहे.