मावळात स्वाभिमानी रिपब्लिकन पक्षाच्या नेत्याच्या घरी चोरी

2356 views

वडगाव मावळ दि.20 (प्रतिनिधी) अज्ञात चोरट्यांनी बंद फ्लॅटच्या घराच्या दरवाजाचे कुलूप कोयंडा तोडून सोन्या चांदीचे दागिन्यासह दुचाकी असा 3 लाख 28 हजार रुपयांचा मुद्देमाल चोरून नेला. ही घटना शुक्रवारी (दि.19) रात्री 11 वा ते शनिवारी (दि.20) सकाळी 7 च्या सुमारास ग्रीन मिडोज सोसायटी कामशेत ता. मावळ हद्दीत घडली. स्वाभिमानी रिपब्लिकन पक्षाचे जिल्ह्याचे नेते कोंडीबा गबाजी रोकडे वय 62 यांनी कामशेत पोलीस स्टेशनमध्ये फिर्याद दिली.

Author : Admin

Publisher : admin

Update : 1 year ago

Date : Sat Jul 20 2024

चोरी

कामशेत पोलिस स्टेशन गु .र.नं 154/2024 भा. न्याय संहिता कलम 331(3),331(4),305(A),303(2) गुन्हा दाखल करण्यात आला.

पोलीस निरीक्षक रवींद्र पाटील यांनी दिलेल्या माहितीनुसार कामशेत हद्‌दीत ग्रिन मिडोज सोसायटीत फिर्यादी कोंडीबा रोकडे यांच्या फ्लॅट नं बी 9 या बंद घराचे अज्ञात चोरट्यांनी कुलुप कोयंडा कशानेतरी तोडुन आत प्रवेश करुन घरातील

30 ग्रॅम सोन्याचे गंठन 1,80,000 रुपये, 5.5 ग्रॅम सोन्याच्या दोन अंगुठी 30,000 रुपये, 100 ग्रॅम चांदीचे 3 शिक्के 18,000 रुपये, चांदिच्या पट्या व जोडवे एक जोड 8,000 रुपये, कानातील सोन्याची कर्णफुले 6 ग्रॅम 36,000 रुपये, मनगटी दोन घड्याळ एक लेडीज व एक जेन्टस टायटन कंपनिचे 8,000 रुपये, रोख 23.000 रुपये रक्कम, काळे रंगाची हिरो स्प्लेंडर मोटारसायकल नं MH 12 RB 4790 तीचा चैसी नं MBL HAR075J5J18339 व इंजिन नं HA10AGJ5J27949 किमंत 25,000 रुपये असा एकूण 3,28,000 रुपयांचा मुद्देमाल चोरून नेला.

कामशेत मध्ये चोऱ्याच्या घटनात वाढ होत असून रात्रगस्त वाढवण्याची मागणी नागरिक करत आहेत.

लोणावळा उप विभागीय पोलीस अधिकारी सत्यसाई कार्तिक यांनी घटनास्थळी भेट दिली.

सीसीटीव्ही कॅमेरे फुटेज तपासणी करून लवकरच चोरटे जेरबंद करणार असल्याचा विश्वास पोलिसांनी व्यक्त केला.

पुढील तपास कामशेत पोलीस करत आहेत.

लेटेस्ट अपडेट्स

238 views

उर्से बालिका अत्याचार खुनातील आरोपीला दहा दिवसाची कोठडी.

तळेगाव दाभाडे दि.15 उर्से हद्दीत शनिवारी (दि.13) 5 वर्षांच्या बालिकेला खाऊचे आमिष दाखवून अत्याचार करून खून केलेल्या आरोपीला सोमवारी दि.15 दुपारी 12 वा. वडगाव मावळ न्यायालयाने दि.24 डिसेंबर पर्यंत पोलिस कोठडी दिली.

885 views

मावळच्या 4 तहसीलदारांसह 10 अधिकाऱ्यांचे निलंबन ; महसूल मंत्री चंद्रशेखर बावनकुळे यांची विधानसभेत घोषणा: मंगरूळ येथे 90 हजार ब्रास जास्त उत्खनन

नागपूर दि.13 (प्रतिनिधी) पुणे जिल्ह्यातील मावळ तालुक्यात वनीकरणासाठी राखीव असलेल्या क्षेत्रात तब्बल 90 हजार ब्रास अनधिकृत गौण खनिज उत्खनन झाल्याचे निष्पन्न झाल्याने महसूलमंत्री चंद्रशेखर बावनकुळे यांनी शुक्रवारी (दि.12) या घोटाळ्यात दोषी आढळलेले चार तहसीलदार, चार मंडळ अधिकारी आणि दोन तलाठी अशा दहा जणांना निलंबित करण्याचे निर्देश दिले. परवानगीपेक्षा जास्त उत्खनन केल्याने दोषीवर फौजदारी व महसुली अधिनियमानुसार दंडात्मक कारवाई करण्यात येणार आहे.

191 views

मावळात मल्टिनॅशनल कंपन्यांची कोट्यवधींची फसवणूक; दलालांची होणार चौकशी

नागपूर दि.9 (प्रतिनिधी) मावळ तालुक्यात गुंतवणुकीसाठी येणाऱ्या मल्टिनॅशनल कंपन्यांची काही दलालांकडून कोट्यवधी रुपयांची फसवणूक करण्यात आल्याचे धक्कादायक प्रकरण उघडकीस आले असून, याबाबत गंभीर आरोप आमदार सुनील शेळके यांनी नागपूर हिवाळी अधिवेशनात केले आहेत. हुंदाईसारखी कोरियन कंपनी महाराष्ट्रात आणणाऱ्या महायुती सरकारचा उद्देश रोजगारनिर्मिती असताना, काही दलालांनी कंपनीच्या व्हेंडरना बेकायदेशीर व फसवे दस्तऐवज दाखवून मिळकतीची विक्री करून आंतरराष्ट्रीय कंपनीलाच आर्थिक गंडा घातला, असे त्यांनी स्पष्ट केले.

718 views

तळेगाव दाभाडे नगरपरिषदेच्या नूतन वास्तूचे लोकार्पण उपमुख्यमंत्री अजित पवार यांच्या हस्ते; 761 कोटी 17 लाखांच्या विकासकामांचा शुभारंभ!

तळेगाव दाभाडे दि.19 (प्रतिनिधी) मावळ तालुक्याच्या विकासाचा नवा अध्याय सोमवार, दि. 20 ऑक्टोबर 2025 रोजी सायंकाळी 5 वाजता लिहिला जाणार आहे. तळेगाव दाभाडे नगरपरिषदेच्या नूतन प्रशासकीय इमारतीचे लोकार्पण राज्याचे उपमुख्यमंत्री तथा पुणे जिल्ह्याचे पालकमंत्री अजित पवार यांच्या शुभहस्ते शिवशंभू तीर्थ मैदान, तळेगाव येथे संपन्न होणार आहे. या ऐतिहासिक सोहळ्यानिमित्त एकूण 761 कोटी 17 लाख रुपयांच्या लोकार्पण व भूमिपूजनाच्या कामांचा शुभारंभ होणार असल्याची माहिती आमदार सुनील शेळके यांनी दिली.