वडगाव मावळ दि.24 (प्रतिनिधी) मतिमंद युवतीवर वारंवार लैंगिक अत्याचार केल्याची घटना आढे ता.मावळ हद्दीत घडली. पीडित युवतीच्या आईने शिरगाव परंदवडी पोलीस स्टेशनमध्ये शनिवारी (दि.21) गुन्हा दाखल केला. आरोपीला वडगाव मावळ न्यायालयाने गुरुवार (दि.26) पर्यंत पोलीस कोठडी दिली आहे.

संतोष पंढरीनाथ सुतार (वय 45 रा.आढे ता.मावळ जि.पुणे) लैंगिक अत्याचार प्रकरणातील आरोपीचे नाव आहे.

सहाय्यक पोलिस उपायुक्त बाळासाहेब कोपनर यांनी दिलेल्या माहितीनुसार मतिमंद युवतीवर आरोपी संतोष सुतार याने वारंवार लैंगिक अत्याचार केले असून पीडित युवतीच्या आईने पोलीस स्टेशनमध्ये तक्रार दिल्यावरून गुन्हा दाखल करण्यात आला.

पोलिसांनी अटक आरोपीला रविवारी (दि.22) वडगाव मावळ न्यायालयात हजर केले असता, गुरुवार (दि.26) पर्यंत पोलीस कोठडीत ठेवण्याचे आदेश दिले.

पुढील तपास सहाय्यक पोलिस उपायुक्त बाळासाहेब कोपनर करत आहेत.

मावळात महिला अत्याचारांच्या घटनेत वाढ होत आहेत.