राज्याचे उप मुख्यमंत्री अजित पवार यांनी श्रीक्षेत्र भंडारा डोंगर येथील नवीन मंदिर बांधकाम पाहणी केली त्याच वेळी प्रशांत भागवत यांच्या वतीने आयोजित पायी दिंडीला टाळ वाटप कार्यक्रमात उप मुख्यमंत्री अजित पवार यांच्या हस्ते टाळ वाटप करण्यात आले. प्रशांत भागवत यांच्या सामाजिक कार्याचे कौतुक केले.

याप्रसंगी आमदार सुनील शेळके, राष्ट्रवादी तालुकाध्यक्ष गणेश खांडगे, दशमी समिती अध्यक्ष बाळासाहेब काशिद पाटील, दिंडी समाजाचे अध्यक्ष रवींद्र महाराज ढोरे, उद्योजक विलास काळोखे, माजी नगराध्यक्ष सुरेश धोत्रे, दिलीप ढोरे, सुरेश नाना दाभाडे, शिवाजी आण्णा पवार, भीमाजी दाभाडे, मनोहर मामा ढमाले, भगवान शिंदे, नवनाथ पडवळ, विणेकरी लक्ष्मण घोजगे, सरपंच शशिकांत शिंदे, दत्तात्रय ढोरे, विनोद वाघोले, रामभाऊ कराळे, पडवळ मामा, बहुसंख्येने वारकरी व ग्रामस्थ उपस्थित होते.

याप्रसंगी प्रशांत भागवत म्हणाले संत तुकाराम महाराज यांच्या भूमीत लाखो वारकरी येतात. श्रीक्षेत्र भंडारा डोंगर पायी दिंडीचे टाळ जीर्ण झाले होते. पायी दिंडीचे अध्यक्ष रवींद्र महाराज ढोरे यांनी सांगितल्याने 50 टाळ उपलब्ध केले. वारकरी संप्रदायाचा वसा वारसा जतन करण्याचे श्रीक्षेत्र भंडारा डोंगर पायी दिंडीच्या वतीने होत आहे. मी या पायी दिंडीचा सेवेकरी असल्याने सामाजिक बांधिलकीतून आज पायी दिंडी प्रस्थानाच्या प्रसंगी टाळ देताना आनंद होत आहे.