प्रा.प्रियांका पाटील सेट परीक्षा उत्तीर्ण

448 views

वडगाव मावळ दि.6 (प्रतिनिधी) येथील श्री संत तुकाराम शिक्षण प्रसारक मंडळाच्या कला, वाणिज्य व बीबीए महाविद्यालयाच्या कॉम्प्युटर विभागाच्या प्रमुख प्रियांका दत्ता पाटील या महाराष्ट्र राज्य सेट परीक्षा कॉमर्स विषयात उत्तीर्ण झाल्या.

Author : Admin

Publisher : admin

Update : 1 month ago

Date : Tue Aug 06 2024

उत्तीर्ण

महाराष्ट्र राज्य सेट परीक्षा 7 एप्रिल 2024 मध्ये प्रियांका पाटील यांनी परीक्षा दिली, त्यात 300 पैकी 162 गुण मिळवून उत्तीर्ण झाल्या.

बी एन पुरंदरे महाविद्यालय लोणावळा येथे बी कॉम शिक्षण पूर्ण केले. इंद्रायणी महाविद्यालय तळेगाव दाभाडे येथे एम कॉम शिक्षण पूर्ण केले. कला, वाणिज्य व बीबीए महाविद्यालयात कॉम्प्युटर विभागात नोकरी करत अभ्यास पूर्ण केला. 2010 साली अपघातात वडिलांचा मृत्यू झाला. कुटुंबाची जबाबदारी स्वीकारून नोकरी करत अभ्यास करून यश मिळविले.

तिच्या यशाबद्दल महाविद्यालयाचे प्राचार्य अशोक गायकवाड, प्रा. महादेव वाघमारे, डॉ. शीतल दुर्गाडे, डॉ. शीतल शिंदे, प्रा. योगेश जाधव, डॉ. जया धावारे, प्रा. मोहिनी ठाकर, प्रा. अशोक कोकाळे, प्रा. प्रणिता सूर्यवंशी, प्रा. काजल सांगळे, अनिल कोद्रे, मंगल सस्ते, अनिता भांबळ आदींनी शुभेच्छा दिल्या.

यशाबद्दल प्रियांका पाटील म्हणाल्या जिद्द, चिकाटी, आत्मविश्वास व सातत्याने अभ्यास केल्यास यश नक्कीच मिळते.

लेटेस्ट अपडेट्स

447 views

आमदार सुनील शेळके यांच्या वाढदिवसानिमित्त दि.19 ते 28 सप्टेंबर रोजी महाआरोग्य शिबिर

वडगाव मावळ दि.15 (प्रतिनिधी) मावळचे आमदार सुनिल शेळके यांच्या वाढदिवसानिमित्त मावळ डेव्हलपमेंट फाउंडेशनच्या वतीने महाआरोग्य शिबिराचे आयोजन करण्यात आले आहे. शिबिराचे हे सातवे वर्ष असून 19 ते 28 सप्टेंबर 2024 कालावधीत सकाळी 10 ते सायंकाळी 5 वाजेपर्यंत कान्हे उपजिल्हा रुग्णालय येथे शिबिर होणार आहे. तसेच मावळातील प्रत्येक व्यक्तीपर्यंत या आरोग्य शिबिराचा लाभ मिळावा यासाठी विविध स्तरावर जनजागृती करण्यात येणार आहे.

228 views

मावळ तालुक्यातील तिन्ही वनपरिक्षेत्र अधिकाऱ्यांच्या पदोन्नतीने बदल्या

वडगाव मावळ दि.13 (प्रतिनिधी) वडगाव मावळ वनपरिक्षेत्र अधिकारी हनुमंत जाधव, शिरोता वनपरिक्षेत्र अधिकारी सुशील मंतावार व सामाजिक वनीकरण मावळ वनपरिक्षेत्र अधिकारी तनुजा शेलार आदींची पदोन्नतीने बदली झाली या तिन्ही पदाचा अतिरिक्त कार्यभार वनपरिक्षेत्र अधिकारी पुणे एस डी वरक यांच्या देण्यात आला आहे. त्यांच्याकडे एकूण 4 वनपरिक्षेत्राचा कार्यभार असल्याने कोणत्या वनपरिक्षेत्र कार्यालयाला वेळ देणार अशी परिस्थिती झाली आहे. तरी मावळ तालुक्यातील वडगाव मावळ, शिरोता व मावळ सामाजिक वनीकरण विभाग आदींना त्वरित वनपरिक्षेत्र अधिकारी नियुक्ती करण्याची मागणी नागरिकांकडून होत आहे.

3878 views

दुर्दैवी घटना; गणपती मूर्ती विसर्जन करताना वडील व मुलाचा पाण्यात बुडून मृत्यू

वडगाव मावळ दि.12 (प्रतिनिधी) घरगुती गणपती मूर्तीचे विसर्जन करताना, वडील व मुलाचा पाण्यात बुडून मृत्यू झाला; ही घटना गुरुवारी (दि.12) सायंकाळी 6 वा. कडधे ता.मावळ जि.पुणे हद्दीत घडली. वन्यजीव रक्षक मावळ संस्था, शिवदुर्ग मित्र लोणावळा, आपदा मित्र मावळ व मावळ आपत्ती व्यवस्थापन आदींनी रात्री उशिरापर्यंत शोध घेऊन दोन्ही मृतदेह बाहेर काढले. या घटनेने परिसरात हळहळ व्यक्त होत आहे.

436 views

तळेगाव दाभाडे पणन मंडळाच्या एनआयपीएचटी संस्थेच्या अधिकारी कर्मचारी वेतानापासून वंचित

तळेगाव दाभाडे दि.10 (प्रतिनिधी) येथील पणन मंडळाच्या राष्ट्रीय सुगी पश्चात तंत्रज्ञान संस्थेच्या अधिकारी व कर्मचाऱ्यांचे 3 महिन्यांपासून वेतन रखडले, 22 महिन्यांपासून महागाई भत्ता मिळाला नाही तसेच कालबध्द पदोन्नती 3 वर्षांपासून रखडली असून अधिकारी व कर्मचाऱ्यांना जगण्यासाठी खाजगी सावकाराचा आश्रय घ्यावा लागत आहे.