वडगाव मावळ महाविद्यालयाचा एन एस एस विशेष हिवाळी शिबिर संपन्न

322 views

वडगाव मावळ दि.1 (प्रतिनिधी) महापुरुषांचे विचार विद्यार्थ्यांच्याव्य क्तिमत्त्व विकासात मोलाचे ठरतात. राष्ट्रीय सेवा योजना शिबिराच्या माध्यमातून विद्यार्थ्यांना ग्रामीण व शहरी जीवनातील समस्यांची जाण होते असे प्रतिपादन व्याख्याते विवेक गुरव यांनी केले.

Author : Admin

Publisher : admin

Update : 7 months ago

Date : Wed Jan 01 2025

विद्यार्थी श्रमदान करताना

श्री संत तुकाराम शिक्षण प्रसारक मंडळाच्या कला, वाणिज्य व बीबीए महाविद्यालय वडगाव मावळ राष्ट्रीय सेवा योजनेच्या विशेष श्रमसंस्कार शिबिरात ते बोलत होते. हे शिबिर आंदर मावळातील नागाथली येथे दि . 23 ते 29 डिसेंबर 2024 या कालावधीत आयोजित करण्यात आले होते.

या शिबिरात शिवव्याख्याते संपत गारगोटे यांनी 'छत्रपती संभाजी महाराज' या विषयावर विचार मांडले. प्रा. सोमनाथ कसबे यांनी 'युवकांपुढील आव्हाने' या विषयावर विचार मांडले. शिबिराच्या समारोपप्रसंगी संस्थेचे संचालक राज खांडभोर यांनी विद्यार्थ्यांना मार्गदर्शन केले.

याप्रसंगी संस्थेचे अध्यक्ष तुकाराम आसवले, सचिव अशोक बाफना, उपाध्यक्ष बंडोबा मालपोटे, संचालक दत्ताभाऊ असवले, प्राचार्य अशोक गायकवाड व प्राध्यापक, विद्यार्थी उपस्थित होते. महाविद्यालयाच्या राष्ट्रीय सेवा योजनेच्या कार्यक्रम अधिकारी प्रा. रोहिणी चंदनशिवे यांनी सूत्रसंचालन केले. प्रा. डॉ. जया धावरे यांनी आभार मानले. विद्यार्थ्यांनी मनोगत व्यक्त केले. दरम्यान, शिबिरामध्ये विद्यार्थ्यांनी गावाचा परिसर, गावातील रस्ते स्वच्छ केले. विविध प्रबोधनात्मक आणि अंधश्रद्धा निर्मूलन या विषयांवर पथनाट्ये सादर केली.

लेटेस्ट अपडेट्स

31 views

वाहतूक कोंडी टाळण्यासाठी अतिक्रमणे काढल्यानंतर त्या भागात तातडीने रस्ते करा उपमुख्यमंत्री अजित पवार यांचे आढावा बैठकीत संबधीत यंत्रणांना निर्देश

चाकण दि.8 प्रतिनिधी वाहतूक व्यवस्था सुरळीत करण्यासाठी हिंजवडीसह चाकण परिसरात काढण्यात येणाऱ्या अतिक्रमणानंतर त्या भागात तातडीने रस्ते विकसित करणे गरजेचे आहे. त्या दृष्टीने संबंधित यंत्रणांनी समन्वयातून वाहतूक कोंडी टाळण्यासाठी अपेक्षित प्रमाणात रस्त्यांचे रुंदीकरण करून रस्ते विकसित करण्याच्या दृष्टीने तातडीने पावले उचलण्याचे निर्देश उपमुख्यमंत्री तथा पालकमंत्री अजित पवार यांनी दिले. पुणे महानगर प्रदेश विकास प्राधिकरणाच्या आकुर्डी येथील मुख्यालयात त्यांनी चाकण भागातील वाहतूक कोंडी दूर करण्याच्या अनुषंगााने पाहणी केल्यानंतर आढावा बैठक घेतली, यावेळी ते बोलत होते.

51 views

लोणावळा नगरपरिषदेच्या गलथान कारभारावर आमदार सुनील शेळके यांचा थेट हल्लाबोल!

लोणावळा दि.5 (प्रतिनिधी) गेल्या कित्येक महिन्यांपासून लोणावळा शहरातील मूलभूत प्रश्न प्रलंबित असून नागरिक त्रस्त आहेत. मात्र तरीही नगरपरिषद प्रशासनाचे काम संथ, निष्क्रिय व निष्काळजीपणाचे असल्याची तीव्र शब्दात खरमरीत टीका आमदार सुनील शेळके यांनी आज येथे केली. आमदार शेळके यांच्या उपस्थितीत आज लोणावळा नगरपरिषदेच्या दालनात घेण्यात आलेल्या आढावा बैठकीत विविध विषयांवर खोलवर चर्चा झाली आणि प्रशासनाच्या झोपेचे ढोल वाजवले.

322 views

तळेगाव–चाकण–शिक्रापूर महामार्गाच्या विकासासाठी ऐतिहासिक निर्णय! औद्योगिक आणि नागरी विकासाला नवा आयाम मिळण्याची शक्यता

मुंबई दि.31 (प्रतिनिधी) तळेगाव–चाकण–शिक्रापूर (NH-548D) या औद्योगिकदृष्ट्या अत्यंत महत्त्वाच्या मार्गाच्या दुरवस्थेवर आता ठोस पावले उचलली जात असून, वाहतूक कोंडीमुक्त, सुरक्षित आणि वेगवान करण्यासाठी शासनाने ऐतिहासिक निर्णय घेतला आहे. उद्योगधंदे, वाहतूक व्यवस्था आणि नागरिकांच्या दृष्टीने हा निर्णय अत्यंत दिलासादायक ठरणार आहे.

162 views

नाविन्यपूर्ण कार्यक्रमांचे आयोजन करुन महसूल सप्ताह यशस्वी करा- जिल्हाधिकारी जितेंद्र डूडी

पुणे दि.31 (प्रतिनिधी) महसूल विभागाकडून देण्यात येणाऱ्या सेवा, राबविण्यात येणाऱ्या योजनांची माहिती व प्रत्यक्ष लाभ अधिकाधिक नागरिकांना मिळावा यासाठी येत्या 1 ते 7ऑगस्ट २०२५ दरम्यान राबविण्यात येणाऱ्या महसूल सप्ताहामध्ये नागरिकांना सहभागी करुन घ्यावे, असे आवाहन जिल्हाधिकारी जितेंद्र डुडी यांनी केले. शासनाच्या कामकाजाप्रती नागरिकांचा विश्वास वृद्धींगत होईल यावर लक्ष केंद्रित करत नाविन्यपूर्ण कार्यक्रमांचे आयोजन करुन सप्ताह यशस्वी करण्याचे निर्देशही त्यांनी दिले.